Kosova

Kurti thotë që s’do t’i japë leje Vuçiqit për vizitë në Kosovë

E enjte, 30 Mars 2023 - 23:35 albinfo.ch

Presidenti i Serbisë, Aleksandër Vuçiq ka paralajmëruar së në muajin qershor do të vizitojë Kosovën. Për këtë sot është pyetur kryeministri vendit, Albin Kurti, shkruan Insajderi.

Kurti ka thënë se nuk ka pranuar kërkesën nga Vuçiq për një vizitë të tiillë, si rrjedhojë u shpreh se nuk do t’i jepte leje njeriut që deklaroi se masakra e Reçakut është fabrikim.

“Unë nuk kam marrë asnjë kërkesë për një vizitë të tillë dhe duke pasur gjendjen rrethanat në të cilat ndodhemi ai nuk do të ishte person i dëshiruar në Kosovë dhe mbase kjo është arsyeja se ai që më shumë se 2 vjet nuk e bën këtë kërkesë”, tha Kurti në Klan.