Kurti: Mërgata e di se këto zgjedhje janë referendum, çdo votë bën ndryshimin

Në ditët e fundit të fushatës zgjedhore, lideri i Vetëvendosjes, Albin Kurti, ka bërë thirrje për dalje masive në zgjedhjet e 14 shkurtit, shkruan Albinfo.ch. Ai ka marrë shembull votuesit nga diaspora për të insistuar se këto në fakt nuk janë zgjedhje, por siç shprehet Kurti, referendum.

Në një videomesazh në “Facebook”, Kurti theksin mes tjerash se mërgata po voton masivisht në zgjedhje dhe se ata e dinë se këto zgjedhje janë referendum për të ardhmen.

“Mërgata jonë po voton masivisht në zgjedhje. Disa kanë paguar bileta të shtrenjta të aeroplanit, disa kanë shpenzuar qindra euro për të dërguar votën me postë, e të tjerët kanë bërë plane të nisën me autobusë e makina drejt ndryshimit të madh më 14 shkurt. Sado që më zemëron padrejtësia ndaj mërgatës, zemra më mbushet me shpresë nga vullneti e dashuria e madhe që kanë ata për vendin e tyre. Sepse ata e dinë se këto zgjedhje janë referendum për të ardhmen, ku çdo votë e bën ndryshimin”, ka thënë Kurti.

Sipas Kurtit, nuk ka arsye që qytetarët të mos dalin në zgjedhje.

“E ne që jemi në Kosovë nuk kemi arsye për të mos dalë, duhet të dalim të gjithë dhe së bashku të bëhemi pjesë e historisë këtë të diel, më 14 shkurt”, tha Kurti.

https://www.facebook.com/albini2017/videos/1862048307304200/