Kryetarja e Kuvendit të Sllovenisë, vizitë në Kosovë

Kryetarja e Kuvendit të Sllovenisë, Urska Klakocar Zupançiq, të hënën do të qëndrojë për vizitë në Kosovë.

Ajo do të pritet nga homologu i saj, Glauk Konjufca.

Sipas njoftimit të lëshuar nga Kuvendi, pas takimit Konjuca dhe Zupançiq do të mbajnë konferencë për media.

“Kryetari i Kuvendit të Republikës së Kosovës, Glauk Konjufca, pret në takim kryetaren e Kuvendit të Sllovenisë, Urška Klakočar Zupančič. Mediat mund të marrin pamje në fillim të takimit. Pas takimit, në orën 12:00 kryetarët Glauk Konjufca dhe Urška Klakočar Zupančič do të mbajnë konferencë për media”, thuhet në njoftim.

Pas Konjufcës, ajo pritet të takohet edhe me presidenten Vjosa Osmani.

“Në orën 12:30, Presidentja e Republikës së Kosovës, Vjosa Osmani, pret në takim Kryetaren e Kuvendit të Sllovenisë, Urška Klakočar Zupančič. Mediat mund të marrin pamje tek pritja në hyrje të Presidencës dhe në fillim të takimit”, thuhet në  njoftimin e Presidencës.