Kriza energjetike mund të ndikojë në furnizimin me ushqime të Zvicrës

Është folur shumë për mënyrën sesi mungesa e gazit dhe energjisë elektrike mund të ndikojë në shërbime të ndryshme thelbësore në Zvicër, përcjell albinfo.ch.

Por pasojat mund të shtrihen edhe në prodhimin e ushqimit. “Edhe nëse rryma fiket, duhet të ketë mjaft ushqim në dispozicion”, tha CEO i Migros, Fabrice Zumbrunnen.

Megjithatë, asortimenti i ushqimeve do të ishte i kufizuar në këto rrethana.

Nëse energjia bëhet e pakët, “do të duhet të merret një vendim se cilat produkte do të prodhoheshin në sasi më të vogla ose aspak”, shtoi Zumbrunnen.

Një shembull është furra e Migros, Jowa, e cila do të prodhonte më pak lloje buke se zakonisht, dhe pasta nuk do të prodhoheshin fare, pasi ato nuk konsiderohen si “thelbësore”.