Kreu i ushtrisë zvicerane viziton trupat në Kosovë dhe Bosnjë e Hercegovinë

Me këtë rast ai takohet edhe me komandantin e KFOR-it

Më 19 dhe 20 dhjetor 2024, kreu i ushtrisë, komandanti i Korpusit Thomas Süssli, viziton trupat në Kosovë dhe Bosnje e Hercegovinë që kontribuojnë ushtarakisht në ndërtimin e paqes në vendet përkatëse. Me këtë rast ai takohet edhe me komandantin e Forcës së Kosovës (KFOR), thuhet në një komunikatë të Ministrisë së Mbrijtjes, të Zvicrës.

Gjatë vizitës së tij të trupave, kreu i ushtrisë planifikon të zhvillojë bisedime me pjesëtarët e ushtrisë zvicerane të dislokuar atje dhe të marrë një pasqyrë të përditësuar të shërbimeve të ndryshme të ofruara në dobi të Forcës së Kosovës (KFOR), transmeton albinfo.ch. Me këtë rast është paraparë edhe një takim bilateral me komandantin e KFOR-it, gjeneralmajor Enrico Barduani të Forcave të Armatosura italiane.

Dislokimi i KFOR-it të Ushtrisë Zvicerane është vazhduar në vitin 2023 dhe do të zgjasë deri në fund të vitit 2026.

Më pas kreu i ushtrisë shkon në Bosnje dhe Hercegovinë për të marrë një ide të situatës në rajon. Atje ai takohet me pjesëtarët e ushtrisë zvicerane që po marrin pjesë në misionin Althea të Forcave të Bashkimit Evropian (EUFOR).

Kreu i ushtrisë shoqërohet nga eprori i lartë Jakob Signer (AI) dhe këshilltarja qeveritare në AR Katrin Alder, presidente dhe anëtare e bordit të Konferencës Ndërqeveritare të Brigadës Ushtarake, Mbrojtjes Civile dhe Zjarrfikësve (RK MZF), nga këshilltari i Bernës Francesco Rappa dhe përfaqësues të ushtrisë.

Promovimi i paqes ushtarake në një kontekst ndërkombëtar është një nga tre misionet e Ushtrisë Zvicerane. Aktualisht, rreth 300 gra dhe burra të rangjeve të ndryshme në mbi 15 vende po japin një kontribut për paqen.

---