Kostina: Kosova po sfidohet nga propaganda serbe

Natalia Kostina nga Agjencia Ukrainase e Lajmeve UKRINFORM, vlerëson se Kosova ka problem me propagandën serbe, njëjtë sikurse Ukraina që sfidohet me propagandën ruse, përcjell albinfo.ch.

Në një intervistë, Kostina thotë se për shkak të luftës pushtuese të Rusisë në Ukrainë, 16 gazetarë ukrainas kanë mbetur të vdekur derisa ishin në krye të detyrës.

“Është një diversitet shumë i madh, sepse ne kemi disa sfida të përbashkëta, ndoshta financat, besimin, etj. Ne kemi nivele absolutisht të ndryshme të sfidave të tilla si dezinformimi”, deklaron Kostina.

Kostina konsideron se sa u përket dezinformatave dhe propagandës, ruse shteti saj është vendi kryesor në rajon.

“Është një periudhë e vështirë. Unë mendoj se të gjithë në Ukrainë theksojnë pas gati dy vjetësh luftë, por sa për mediat, ato janë vërtet shumë profesionale në rastin e propagandës ruse. Ukraina me të vërtetë do ta sjellë në gjykatë. Dhe unë mendoj se do të jetë një përvojë e tillë dhe pasi një vend tjetër mund ta përdorë ndoshta. Pra, mendoj se në luftimin e dezinformatave ne jemi në një vend kryesor në rajon, por kryesisht në lidhje me propagandën ruse. Mendoj se në Kosovë keni sfida të ngjashme, por me disa aktorë të tjerë”, potencon Kostina.

Duke folur për sfidat që janë ballafaquar gazetarët gjatë raportimit, Kostina thotë se 16 gazetarë ukrainas janë vrarë në luftë për shkak të përgjegjësisë profesionale, disa civilë, dhe të tjerët sepse shërbenin në ushtri.