Kosova

Kosovë: Një police dyshohet se kreu vetëvrasje

E martë, 14 Maj 2024 - 14:15 albinfo.ch

@policia e Kosoves

Një pjesëtare e Policisë së Kosovës dyshohet se ka kryer vetëvrasje të martën në shtëpinë e saj në Gjilan, përcjell albinfo.ch.

Zëdhënësi i Policisë për rajonin e Gjilanit, Ismet Hashani, ka thënë se njësitet kanë shkuar menjëherë në vendin e ngjarjes me të marrë informatat për rastin.

“Ju informojmë se sot, më 14.05.2024, rreth orës 11:44 Policia e Kosovës në Gjilan ka pranuar një informatë se një pjesëtare e PK-së, rreth 46-vjeçare, dyshohet se ka bërë vetëvrasje në shtëpinë e saj në Gjilan. Patrulla është nisur menjëherë në atë drejtim, gjithashtu edhe njësitet e tjera relevante. Për informata të tjera ju njoftojmë”, ka thënë Hashani.