Kosovarja me flamurin kosovar në finale

“Këtë flamur do ta kem me vete sot në finalen e Olimpiadës. E dua Suedinë. E dua Kosovën. Të dy vendet i kam në zemër”, ka shkruar Asllani

Futbollistja Kosovare Asllani që mbron ngjyrat e Suedisë në futboll është në finale olimpike në futbollin e femrave kundër Gjermanisë. Ajo atje ka vendosur të shkojë me flamur të Kosovës, shkruan albinfo.ch.

Këtë e ka bërë të ditur në rrjetin ‘Instagram’, ku ka publikuar fotografinë me këto fjalë. “Fillova të shkruaj një postim emocionues për Kosovën, familjen time dhe Suedinë, por në fund e fshiva dhe në vend të kësaj dua të shkruaj diçka shumë të qartë dhe të thjeshtë. Këtë flamur do ta kem me vete sot në finalen e Olimpiadës. E dua Suedinë. E dua Kosovën. Të dy vendet i kam në zemër”, ka shkruar Asllani.

Më 7 gusht, Majlinda Kelmendi kishte fituar medaljen e artë olimpike, derisa këtë rast e ka edhe Kosovarja, por për Përfaqësuesen e Suedisë. Më parë Fatmire Bajramaj ka fituar medaljen e bronztë në Lojërat Olimpike në Pekin më 2008, duke përfaqësuar Gjermaninë në futboll.