Kosovarët, drejt bregdetit shqiptar, kolona të gjata në kufi

Si çdo fundjavë, qytetarët e Kosovës vazhdojnë të kenë Shqipërinë destinacionin kryesor për pushime, transmeton albinfo.ch.

Për shkak të numrit të madh, lëvizja në Rrugën e Kombit gjatë paradites së sotme paraqitet e rënduar.

Të favorizuar nga moti i mirë dhe temperaturat e larta, ata kanë vendosur të kalojnë këto ditë pranë bregdetit.

Disa javë më parë, Qeveria e Kosovës vendosi si masë kufizuese anti Covid kalimin e kufirit vetëm më testin negativ PCR të koronavirusit. Kjo pengonte qytetarët e Shqipërisë dhe Kosovës të udhëtonin lirshëm drejt dy shteteve. Megjithatë, Kosova doli me një vendim të dytë, ku theksohet se nuk është nevojë për testin negativ për të kaluar kufirin.

Ndërkohë, Shqipëria ka dalë nga lista e kuqe e vendeve që paraqesin risk të lartë të pandemisë Covid 19.