Lajme
Kosova mund ta zhvillojë një ndeshje miqësore në muajin nëntor
Me rastin e humbjes nga Maqedonia e Veriut (2:1) në stadiumin “Todor Proeski” në Shkup, Përfaqësuesja e Kosovës është eliminuar nga faza “play-off” e Ligës së Kombeve, rrugë e cila mund t’i dërgonte “Dardanët” në Kampionatin Evropian “Euro 2020”.
Kjo nënkupton se skuadra që drejtohet nga Bernard Challandes e ka rrugën e hapur për një ndeshje miqësore gjatë muajit nëntor.
Në muajin nëntor, Përfaqësuesja e Kosovës do t’i zhvillojë dy ndeshjet e fundit në grupin C të Ligës së Kombeve ndaj Sllovenisë në Ljublanë dhe ndaj Moldavisë në Prishtinë, por po në këtë muaj është i rezervuar një termin i lirë për një ndeshje miqësore për djelmoshat e Kosovës.
Megjithatë, një gjë e tillë ende nuk është vendosur, por as kundërshtari i mundshëm i Kosovës për ndonjë miqësore ende nuk dihet.
Kryetari i Federatës së Futbollit të Kosovës, Agim Ademi ka deklaruar se nuk është vendosur ende nëse do të zhvillohet ndonjë miqësore apo do të jetë vetëm ndonjë kamp përgatitor.
“Ende nuk kemi vendosur asgjë. Kjo do t’i takojë trajnerit Challandes për të vendosur, nëse ai dëshiron miqësore apo kamp përgatitor. Në rast se do të zhvillojmë miqësore, kundërshtarin ende nuk e dimë”, deklaroi të shtunën për “Zeri.info” Agim Ademi, përcjell Albinfo.ch.
Të ngjashme
Të tjera nga Lajme
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?