Koronavirusi, gjysmë milion qytetarë janë të papunë në Austri

Gjithashtu për shkak të korona virusit, shkollat dhe fakultetet do të qëndrojnë të mbyllura të paktën deri në fund të prilli

Pandemia e koronavirusit ka shkaktuar pasoja të rënda për tregun austriak të punës, ku numri i të papunëve ka arritur në një rekord historik, më i larti që nga viti 1946.

Sipas Shërbimit të Punësimit, në fund të marsit, në krahasim me të njëjtin muaj të vitit të kaluar, kishte 52.5 për qind më shumë të papunë.

Të mërkurën (1 prill) AMS ka njoftuar se shifrat aktuale të papunësisë në Austri janë mbi gjysmë milioni, saktësisht 562.522 persona. Sektorët më të prekur nga papunësia janë sektori i turizmit dhe hotelerisë.

Ndërkohë, në Austri janë prekur me virus më shumë se 10 mijë persona, kurse numri i të vdekurve është 145.

 

---