Koncerti zviceran urdhërohet të ndalet për shkak të “përvetësimit kulturor”

Mediat zvicerane raportuan të martën një incident që ndodhi së fundmi në Bernë: një grup lokal reggae i quajtur Lauwarm po performonte në restorantin Brasserie Lorraine, kur klientët filluan të ankoheshin se muzikantët, të gjithë të bardhë, mbanin dreadlock të stilit xhamajkan.

Meqenëse disa të ftuar ishin të shqetësuar nga ky “përvetësim kulturor” – një term që do të thotë të vishesh si dikush nga një kulturë tjetër, që zakonisht merret si shenjë racizmi – pronari i restorantit e anuloi koncertin në mes të rrugës.

“Ne nuk konstatojmë se anëtarët e grupit apo njerëzit e bardhë janë automatikisht racistë, por ne i marrim seriozisht komentet për çdo formë diskriminimi”, shkroi restoranti në faqen e tij në Facebook.

Udhëheqësi i grupit Dominik Plummettaz u përgjigj duke thënë se shkurtimi i performancës “ishte jashtëzakonisht i pakëndshëm për ne”, duke shtuar se ata që nuk i pëlqenin dreadlocket e tyre, mund të ishin larguar.

“Vetëm sepse ne veshim Rasta, ne nuk jemi racistë”, tha ai.