Koncert shqiptar në “Victoria Hall”

Mozart, Donizetti, Bellini, Verdi, Puccini, Cilèa, Massenet, Chopin, Ysaye. Të dielën, më 19.12. 2010, në 18:00

Ky koncert është i organizuar në kuadër të 20-vjetorit të themelimit të Fondit ndërkombëtar shqiptar me seli në Gjenevë. Ky fond ka për mision mbështetjen në studime universitare të të rinjve shqiptarë nga Ballkani.

Gjithashtu, ky institucion ka për qëllim edhe shkëmbimet akademike në mes të universiteteve të Shqipërisë, të Kosovës, të Zvicrës dhe vendeve evropiane dhe të SHBA-së.

Me këtë rast, Këshilli administrativ i Qytetit të Gjenevës ofron një mbështetje dhe bën pritjen kryesisht të përfaqësuar nga znj. Salerno, kryetare e kësaj komune.