Komisioni Evropian rekomandon statusin kandidat për Ukrainën

Komisioni i BE-së rekomandon që Ukrainës t'i jepet statusi i vendit kandidat kandidat për anëtarësim në BE

Këtë e bëri të ditur sot presidentja e Komisionit, Ursula von der Leyen.

Ajo tha se “Ukraina ka treguar përkushtim në respektimin e vlerave dhe standardeve evropiane”.

Von der Leyen shtoi se kjo nënkupton se vendi duhet të bëjë edhe shumë reforma të rëndësishme.

Komisioni Evropian ka rekomanduar që edhe Moldavisë t’i jepet statusi i vendit kandidat, por ky status nuk propozohet për Gjeorgjinë. Në rastin e Gjeorgjisë është vlerësuar dëshira e këtij shteti për integrim në BE, por Këshilli Evropian konsideron se ende mungojnë reformat politike në vend.

Krerët e shteteve dhe qeverive të 27 vendeve anëtare duhet të vendosin për këto rekomandime në takimin e tyre të nivelit të lartë më 23 dhe 24 qershor në Bruksel./Albinfo.ch

Today, the @EU_Commission has adopted its Opinions on the membership applications of Ukraine, Moldova and Georgia, after assessing them against our rigorous standards ↓
https://t.co/BuBLz0Fbdt

— Ursula von der Leyen (@vonderleyen) June 17, 2022

---