KEK: Kemi finalizuar mbi 74 kontrata dhe janë kompensuar 14 pronarë

Korporata Energjetike e Kosovës thotë se marrëveshja me banorët e fshatrave Hadë dhe Shipitullë është duke shkuar sipas dinamikës së paraparë dhe sipas procedurave të parapara ligjore.

“Zona e parë me prioritet ku edhe gjenden shtëpitë e para në afërsi të mihjes, ka gjithsej 99 shtëpi, nga to 74 palujtshmëri, tashmë janë finalizuar kontratat dhe janë të gatshme për nënshkrim te noteri sapo të kompletohet dokumentacioni i nevojshëm nga ana e banorëve. Vlen të theksohet se KEK-u deri më tani i ka finalizuar edhe obligimet financiare për shpronësimin e 14 pronave të banorëve”, thuhet në komunikatën e KEK-ut, përcjell albinfo.ch.

Sipas komunikatës, KEK-u tashmë është stabilizuar në tërësi dhe po operon me të gjitha njësitë gjeneruese për furnizim me energji elektrike.