Kartoni i Gjelbër, lajme të mira nga Brukseli

Zv. Kryeministri I Kosovës, Dardan Gashi ka takuar Sekretaren e Byrosë Ndërkombetare të Sigurimeve në Bruksel Greet Floré për çështjen e lëvizjes së lirë të automjeteve nga dhe në Kosovë.

“Ishte nje takim I frytshëm. U dakorduam për dy çështjet: për automjetet që vinë si dhe ato që dalin nga Kosova të ndjeken rrugët praktike për të zgjidh këto çështje. Sot mora konfirmimin nga znj. Floré se Byroja nuk do të kundërshtoj zgjidhjet që Kosova mund ti arrij nëpërmjet Memorandumeve Bilaterale me shtetet anëtare të Kartonit të Gjelbër.

Tani topi është tek ne, Institucionet e Kosovës dhe Byrosë së Sigurimeve të ofrojnë zgjidhje praktike.” – ka thënë me këtë rast, zv. Kryeministri Gashi. Sekretarja Floré rekomandoi të perfundojnë memorandumet me shtetet fqinjë përderisa është informuar mbi përparimin e regjistrimit të automjeteve si dhe mbi progresin me Serbine dhe shtetet fqinjë.

Qeveria e Kosovës është e gatshme të asistojë për lehtësimin e qarkullimit të automjeteve nga Kosova dhe anasjelltas. Sa i përket automjeteve që vinë nga Evropa në Kosovë procesi i blerjes online të Policave Kufitare aktivizohet brenda muajit shkurt. Znj Flore është ftuar të vizitojë Republikën e Kosovës që takimi i ardhshëm të mbahet në Prishtinë.