Kafeja ul rrezikun e vdekjes te moshat e mesme

Gjetjet, të prezantuara në Kongresin Evropian Kardiak, janë si rezultat i studimit të gjatë të më shumë se 20 mijë njerëzve në Spanjë

Një studim i ri ka zbuluar se kafeja, nëse pihet dy deri në katër gotë filxhanë në ditë, lidhet me ulen e rrezikut për vdekje te njerëzit në moshë të mesme.

Gjetjet, të prezantuara në Kongresin Evropian Kardiak, janë si rezultat i studimit të gjatë të më shumë se 20 mijë njerëzve në Spanjë.

Mosha mesatare e pjesëmarrësve ishte 38 dhe ata u përcollën për dhjetë vjet. Gjatë kësaj kohe, 337 pjesëmarrës vdiqën. Hulumtuesit kanë gjetur se ata që kanë konsumuar së paku katër filxhanë kafe në ditë kanë 64 për qind më pak rrezik për të vdekur në krahasim me ata që konsumojnë më pak apo fare. Studimi po ashtu ka gjetur se njerëzit që pinin nga dy filxhanë kafe në ditë kishin 22 për qind më pak rrezik për të vdekur, shkruan Forbes, përcjell Albinfo.

“Kemi gjetur një lidhje inverse mes kafesë dhe rrezikut për vdekje nga shkaqe të shumta, sidomos te njerëzit në moshën 45 vjeçare e më të vjetër”, ka thënë Adela Navarro, autore e studimit.