Johnson: Putini sulmoi për shkak të frikës së Ukrainës demokratike

Kryeministri i Britanisë së Madhe, Boris Johnson, ka thënë se Presidenti i Rusisë, Vladimir Putin, vendosi ta sulmojë Ukrainën për shkak të frikës që fqinj të Rusisë të kishte një shtet të lirë dhe demokratik.

Duke folur në një konferencë të Partisë Konservatore në Blackpool, shefi i qeverisë britanike tha se Putini ka bërë një gabim katastrofal me sulmin ndaj Ukrainës, raporton televizioni “BBC”.

Sipas kryeministrit britanik, Putini nuk ka besuar vërtet se Ukraina do të anëtarësohej në NATO. Ai gjithashtu tha se presidenti rus nuk do të ndalet në Ukrainë, nëse pushtimi zhvillohet sipas planit të tij.

“Fundi i lirisë në Ukrainë do ta nënkuptojë zhdukjen e çfarëdo shprese për liri në Gjeorgji dhe, më pas, në Moldavi – do ta nënkuptojë fillimin e një faze të re të frikësimit në mbarë Evropën Lindore, nga Baltiku deri në Detin e Zi”, tha Boris Johnson.

Ai shtoi se është koha që të merret kontrolli ndaj furnizimeve me energji, ndonëse pranoi se për këtë ka kosto, por, sipas tij, “kostoja e mosveprimit do të ishte, shumë, shumë më e lartë”.