Lajme

Izraeli do të fillojë së shpejti provat e vaksinës COVID-19 te njerëzit

E enjte, 6 Gusht 2020 - 20:30 albinfo.ch

Keystone

Një institut kërkimor izraelit që mbikëqyret nga Ministria e Mbrojtjes synon të fillojë provat e një vaksine të mundshme COVID-19 në njerëz qysh në tetor, tha ministri i Mbrojtjes Benny Gantz, të enjten.

Instituti i Kërkimeve Biologjike në Izrael (IIBR) do të fillojë provat në bashkëpunim me Ministrinë e Shëndetësisë, pasi që një serë festash hebraike përfundojnë në tetor, tha Gantz. IIBR ka punuar për një vaksinë për gjashtë muaj dhe filloi provat për kafshët në mars.

“Të gjitha eksperimentet fillestare që kanë qenë të suksesshme … japin shpresë të madhe”, tha Gantz, pasi vizitoi institutin në Ness Ziona, rreth 25 km (15 milje) në jug të Tel Avivit.

Shmuel Shapira, drejtori i IIBR, tha: “Ekziston një vaksinë e shkëlqyeshme … ne kemi produktin në dorë”.

Infeksionet COVID-19 në Izrael javët e fundit kanë arritur shifren 78.500, me 569 vdekje, shkruan “Reuters”, përcjell albinfo.ch.