Ivanoviq u qëllua nga një makinë në lëvizje

Kryetari i Iniciativës Qytetare, SDP, Olivier Ivanoviq është vrarë në Mitrovicën Veriore. Tashmë lajmi është konfirmuar edhe nga zyrtarët vendas.

Vdekjen e ka konfirmuar, kryeprokurori i Prokurorisë Themelore në Mitrovicë, Shyqyri Syla, përcjell albinfo.ch.

“Olivier Ivanoviq është plagosur me armë zjarri para zyrave të selisë së partisë dhe ka ndërruar jetë në Spitalin Rajonal të Mitrovicës”, ka thënë Syla për “klankosova.tv”.

“Dyshohet se ai është vrarë nga një makinë në lëvizje”, ka shtuar ai. Në Lagjen e Doktorëve që gjendet në pjesën veriore është gjetur e djegur një veturë e tipit Opel Astra, që dyshohet se sulmuesit e kanë përdorur me rastin e atentatit ndaj Oliver Ivanoviq.

Ndërkohë, kujtojmë që Departamenti Amerikan i Shtetit ditë më parë paralajmëroi se në veri mund të ketë sulme terroriste, duke paralajmëruar qytetarët e saj të jenë të kujdesshëm.