Ishte nisur drejt Evropës, arrestohet një person në Aeroportin e Prishtinës për këtë arsye

32-vjeçari u ndalua në Aeroportin “Adem Jashari”, pasi rezultonte në “Stop Listë”. Gjykata kishte zëvendësuar gjobën me 25 ditë burgim.

Një person është ndaluar në Aeroportin Ndërkombëtar “Adem Jashari” në Prishtinë, pasi rezultonte në “Stop listë” për shkak të një gjobe të papaguar, transmeton albinfo.ch.

Sipas raportimeve, bëhet fjalë për Y.A., rreth 32-vjeçar nga Lagjja Marigona, i cili është ndaluar më 8 prill 2026, rreth orës 23:30.

Burime bëjnë të ditur se ai nuk kishte paguar një gjobë prej 500 eurosh, për çka Gjykata Themelore në Prishtinë kishte marrë vendim që dënimi të zëvendësohej me 25 ditë burgim.

Pas ndalimit në aeroport, i dyshuari është dërguar për vuajtje të dënimit sipas vendimit gjyqësor./Albinfo.ch

 

---