iPhone 6 pa kabllo, mbushja e baterisë përmes senzorëve?

Më 9 shtator Apple pritet ta prezantojë telefonin e ri, iPhone 6

Për këtë datë kompania Apple e kompjuterëve ka ftuar mediet në një event informues.

Ka shumë spekulime se si do të duket, çfarë mundet e çka ofron iPhone i ri.

Sipas njohësve, funksion më i ri i iPhone 6 është sensori afër kokës së telefonit që mundëson mbushjen e baterisë pa rrjet kabllor. Këtë e thonë ekspertët që janë pyetur nga portali “tmz.com”, të cilët kanë ofruar një fotografi të telefonit të ri.

Që ekspertët të kenë të drejtë është relativisht e mundur, sepse ka javë që po spekulohet në këtë drejtim.

Mbushja e baterisë pa përdorur rrjetin kabllor nuk është risi, smartfonet konkurrentë, siç është Nexus 5 dhe disa modele të Nokias ka kohë që mbushin bateritë pa pasur nevojë për kabllo.

Përveç kësaj, iPhone i ri pritet të jetë më i madh dhe të jetë dukshëm më i shpejtë. Për këtë kujdesen dy procesorë, secili me nga dy GHz.