Prokuroria, në aksion për identifikimin e ndërtimeve në Brezovicë

Ka vazhduar edhe sot një inspektim në zonën e Brezovicës

Ka vazhduar edhe sot një inspektim në zonën e Brezovicës, i cili është vazhdimësi i aksioneve të mëhershme lidhur me rastin “Brezovica”, raporton Albinfo.ch.

Qëllimi i këtij inspektimi është identifikimi i ndërtimit të të gjitha objekteve në zonat e mbrojtura të parkut kombëtar, për të parë se në cilat zona janë ndërtuar ato, a posedojnë leje ndërtimore dhe të njëjtat a janë në pajtim me ligjin.

Prokuroria Themelore në Ferizaj ka njoftuar se aksioni është marrë në koordinim dhe bashkëpunim  me Drejtorinë e Krimeve të Rënda (DKR) në Prishtinë, Inspektoratin e Minsitrisë së Mjedisit, Departamentin e Mbrojtjes së Mjedisit, Inspektoratin e komunës, Drejtorinë e Parkut Kombëtar “Sharri” dhe Agjencinë Kadastrale të Kosovës./Albinfo.ch

---