Ibraimi largohet nga Maribori

Sulmuesi nga Tetova, Agim Ibrahimi është ndarë përfundimisht me skuadrën sllovene Maribor. Shkak për këtë është bërë fyerja që i ka bërë drejtori i kësaj skuadre, Zlatko Zahoviq, shkruan albinfo.

Ibraimi në rrjetin e tij social ka treguar për mesazhet fyese që i ka bërë Zahoviq, duke e sharë me familje, fe dhe komb. Kjo ka qenë e papranueshme për futbollistin shqiptar, i cili ka vendosur të largohet nga skuadra, derisa ka falënderuar tifozët e Mariborit për përkrahjen që i kanë dhënë dhe është shprehur se kjo skuadër do të jetë në zemrën e tij.

Ibraimi nuk pritet të luajë në ndeshjet e mbetura derisa do të largohet në fund të sezonit. Zahoviq është shumë i adhuruar në Slloveni, derisa ka origjinë serbe.