Hyka shënon sërish

Mesfushori shqiptar ka shënuar në fitoren e thellë të Luzernit ndaj Baselit 4:0, duke treguar se është në top formë

Jahmir Hyka është në top formë. Mesfushori shqiptar në muajt e fundit ka qenë në formën jetësore, duke shpresuar edhe në festën e Gianni De Biasit për Kampionatin Evropian, shkruan albinfo.ch.

Hyka, kësaj radhe shënoi gol ndaj Baselit, në fitoren bindëse të skuadrës së tij prej 4:0. Ai realizoi golin e dytë në këtë përballje, derisa këtë edicion numëron shtatë gola, katër në kampionat dhe tre në Kupën e Zvicrës.

Ai gjithashtu numëron edhe gjashtë asistime dhe pesë penallti të fituara, duke qenë ndër lojtarët më në formë shqiptar, megjithatë vështirë se mund të marr ftesë nga De Biasi, pasi nuk ka qenë në kualifikime.