Historia e fishekzjarrëve të Vitit të Ri

Anembanë botës ndizen fishekzjarrët me rastin e festës së Viti të Ri, si shenjë që po lihet pas një vit dhe po fillon një i ri.

Zakonisht besohet se baruti u shpik aksidentalisht nga alkimistët që kërkonin, disi në mënyrë ironike, pavdekësinë. Megjithatë, në një moment, ata zbuluan nitrat kaliumi, i cili gjendet natyrshëm në jashtëqitjet e lakuriqëve të natës dhe kur është përzier me qymyr dhe squfur, ndodhi një shpërthim.

Popullariteti i tyre filloi të përhapet edhe më larg. Deri në vitet 1200, fishekzjarrët po shijoheshin gjithashtu në Persi dhe ato mbërritën në Evropë në 1295, shkruan History.co.

Fishekzjarrët u bënë modë në fillimin e Rilindjes Italiane (1340 – 1550) dhe “mjeshtrit e zjarrit” ishin anëtarë të respektuar të shoqërisë.

Më pas, ato filluan të përhapën në mbarë botën dhe tashmë përdoren pothuajse në çdo vend, për të shënuar festa të ndryshme, e sidomos ato të fundvitit.

Sidnej, Australi

Përfshin mbi një milion spektatorë çdo vit dhe përmban mbi 58 mijë fishekzjarrë individuale që zhvillohen në dy shfaqje, një në orën 21:00 për fëmijët dhe një tjetër në mesnatë për të rriturit si dhe çdo vit ka një temë të caktuar.

New York City, SHBA

SHBA shpenzon mbi 368 milionë dollarë për fishekzjarrë çdo vit, më shumë se çdo vend në botë dhe pa dyshim shfaqja më e mirë në qytet është ekstravaganca vjetore në New York.

Në orën 00:00 fishekzjarrët shpërthejnë nga çatia e One Times Square të shoqëruar nga një kor emocionues i Auld Lang Syne.

Taipei, Tajvan

Është një sensacion multimedial që paraqet një nga ndërtesat më të larta në botë dhe padyshim realizohet shfaqje tejet e bukur. Rrezet lazer dhe muzika shoqërojnë shfaqjen e mjeteve piroteknike që ndezin peizazhin mahnitës të qytetit.

Rio De Zhaneiro, Brazil

Këtu bëhet është një nga festat më të mëdha të natës së Vitit të Ri në botë me mbi dy milionë persona. Festa “Réveillon”, siç njihet nga vendasit, fillon në orën 19:00 dhe vazhdon deri në agim të ditës tjetër.

Sigurisht, kulmi i mbrëmjes është shfaqja masive e fishekzjarrëve në mesnatë, ku bëhet një shfaqje gjigante me drita.

Dubai, Emiratet e Bashkuara Arabe

Ngjarja NYE 2014 në Dubai bën pjesë në Librin e Rekordeve Guinness për shfaqjen më të madhe të fishekzjarrëve në botë. Mbi gjysmë milioni fishekzjarrë u nisën nga Burj Khalifa për të përfshirë qiellin e natës në një flakë ngjyrash dhe dritash./ History.co

---