Hadërgjonaj nuk e braktis Zvicrën për Kosovën

Mbrojtësi i djathtë shqiptar, Florent Hadërgjonaj në një intervistë për ‘Blick’, ka thënë se Kosova e ka ftuar, por për momentin qëndron te Zvicra

“Kosova më ka kontaktuar përmes Federatës, trajnerit dhe të gjithëve. Por për mua gjërat janë të qarta, njëherë do qëndroj në Zvicër U21, ndërsa më pas gjërat janë të hapura”, u shpreh Hadërgjonaj.

Të premten Hadergjonaj ju përgjigj thirrjes së Zvicër U21 kundër Norvegjisë, në kuadër të ndeshjeve kualifikuese për evropian. Trajneri Heinz Moser ka konfirmuar pjesëmarrjen e tij ne ndeshjet e radhës, por gjithashtu edhe vetë shqiptari.

Ai ishte paraqitur me sukses në Young Boys, e më pas kaloi në Inglostadt në Bundesligan gjermane. Por, 21-vjeçari nuk frikësohet aspak.

“Jo, aspak. Jam përshtatur menjëherë me vendin dhe kuptoj gjuhën. Jam vetëm katër deri në pesë orë larg shtëpisë në Zvicër. Se pse nuk kam luajtur akoma në klubin e ri nuk është shqetësuese për mua, pasi e di se çfarë mund të arrij dhe qëndroj pozitiv. Shansa ime do vijë së shpejti”, theksoi Hadërgjonaj.