Greqia e mban të mbyllur kufirin me Shqipërinë deri më 7 janar

Pala greke shtyn vendimin për hapjen e pikës së kalimit kufitar të Kapshticës deri më 7 janar 2021.

Ky lajm është konfirmuar nga Drejtoria vendore e Kufirit dhe Emigracionit në Korçë, shkruan Euronews, përcjell Albinfo.ch.

Më 20 nëntor pala greke vendosi mbylljen e plotë të kësaj pike kufitare, ndërkohë që më 3 dhjetor vendimi u ndryshua, duke lejuar këmbësorët, kamionët e tonazheve të rënda dhe të mallrave për të hyrë drejt tokës shqiptare.

Për personat, të cilët do të duan të hyjnë drejt tokës helene e vetmja pikë kufitare ngelet ajo e Kakavijës, e cila ende ruan kuotën prej 750 personash në ditë.

Për shkak të festave të fundvitit pritet që lëvizjet në hyrje të Republikës së Shqipërisë të shtohen.