Gomat inteligjente po vijnë – do të përshtaten me kushtet e rrugës

@unsplash

Një prodhues finlandez i gomave të veturave ka paralajmëruar një produkt të ri që parashikon të arrijë në rrugët evropiane dhe botërore.

Gomat Nokian ka njoftuar një zhvillim të ri revolucionar në botën e gomave. Po vijnë goma inteligjente që do të përshtaten me kushtet e rrugës. Parashikohet që gomat e para inteligjente do të tregtohen deri në vitin 2035.

Prodhuesi i njohur i gomave thekson se tashmë në treg ka goma të pajisura me sensorë që, duke përdorur lidhjen Bluetooth, ndajnë të dhënat për temperaturën dhe presionin e ajrit. Ndërsa zëvendëspresidenti i inovacionit dhe zhvillimit, Teemu Soini, pranoi se gomat inteligjente nuk ishin gati pesë vjet më parë, ai tha se teknologjia e sotme është mjaft e qëndrueshme dhe mjaft e ulët në fuqi, saqë sensorët mund të funksionojnë gjatë gjithë ciklit të jetës së gomës.