Goli i Shaqirit më i miri, Sommer futbollisti më i mirë

Yann Sommer është zgjedhur futbollisti i vitit në Zvicër, derisa në garë për këtë çmim ishin edhe Granit Xhaka dhe Valon Behrami

Federata e Futbollit e Zvicrës ka ndarë çmimet për Laureatët e vitit në futbollin zviceran. Krahas shumë çmimeve, u nda edhe çmimi për lojtarin më të mirë të Zvicrës.

Në garën për më të mirin ku ishin të dominuar Granit Xhaka, Valon Behrami dhe Yann Sommer, ndërsa portieri i helvetikëve fitoi këtë garë, duke u zgjedhur më i miri për sezonin e kaluar.

Yann Sommer është pjesë Borussia Monchengladbach, ku luante edhe Granit Xhaka, i cili u transferua në Arsenal për 45 milionë euro, shkruan albinfo.ch.

Sigurisht se Xhaka ishte favoriti kryesor për këtë çmim, pasi theu rekordin e transferimeve në futbollin zviceran, derisa ishte lider i tyre në “Euro 2016”.

Valon Behrami gjithashtu luajti për Zvicrën, kurse është anëtar i Watfordit në Angli.

Shpërblimi i vetëm për shqiptar ishte për Xherdan Shaqiri, goli i të cili u vlerësua si më i miri i vitit. Vladimir Petkoviq u zgjedh trajneri i vitit.