Gjermania shqyrton detyrimin për testim të të kthyerve nga vendet me rrezik

"Ne gjithashtu po shqyrtojmë nëse është ligjërisht e mundur të detyrosh dikë t`i nënshtrohet testimit, duke ditur se kjo është një ndërhyrje në liritë e njeriut"

Që nga fundjava, të kthyerit në Gjermani kanë mundësinë që të bëjnë testin falas për kornavirus në disa aeroporte të vendit. Por, nisur nga rrezikshmëria e shtuar e “importimit” të rasteve të infektimit, ministri federal i Shëndetësisë Jens Spahn (CDU) po shqyrton gjithashtu “një detyrim ligjor” për teste të tilla.

Spahn ka thënë në Deutschlandfunk të shtunën se fillimisht po mbështetet në përgjegjësinë personale të udhëtarëve që kthehen, pastaj në intensifikimin e fushatave të informimit dhe së fundi, në shtimin e mundësisë për të bërë testime, transmeton albinfo.ch.

“Ne gjithashtu po shqyrtojmë nëse është ligjërisht e mundur të detyrosh dikë t`i nënshtrohet testimit, duke ditur se kjo është një ndërhyrje në liritë e njeriut” ka shtuar ai.

Gjykatat ndjekin me shumë kujdes për të siguruar që çdo ndërhyrje ligjore të jetë në bazë proporcionale me nevojën që shtrohet.

---