Gjermani: Besnik Hasani përfundon “Kursin Ndërkombëtar për “Shërbim shtabor”

Oficeri i Forcës së Sigurisë së Kosovës (FSK), major Besnik Hasani, ka përfunduar “Kursin Ndërkombëtar për Shërbim Shtabor/Admiral Staf 2023 (LGAI 2023)” në Akademinë e Udhëheqjes së Bundeswehr në Hamburg të Gjermanisë, përcjell albinfo.ch.

Kursi ishte dizajnuar për të përgatitur oficerë të lartë, për të operuar në nivel kombëtar dhe ndërkombëtar, në mënyrë që të jenë të gatshëm për ballafaqim me situata ku kërkohet zhdërvjelltësi dhe njohuri mbi problemet komplekse të rrafshit strategjik, dhe aplikimin e metodave të zgjidhjeve në rrafshin operacional.

Gjatë realizimit të kursit, major Besnik  Hasani tregoi përkushtim maksimal dhe përgatitje të lartë profesionale, duke e përfaqësuar denjësisht  Kosovën, e në veçanti Forcën e Sigurisë së Kosovës në mjedisin ndërkombëtar.