Lajme

Gjenden 44 trupa të varrosur në një pus

Ekspertët mjekoligjorë në Meksikë kanë arritur të identifikojnë 44 trupa të varrosur në një pus në shtetin e Jalisco.

E diel, 15 Shtator 2019 - 12:40 albinfo.ch

Mbetjet njerëzore u zbuluan jashtë qytetit të Guadalajara dhe ishin fshehur në 119 çanta të zeza.

Mbetjet u zbuluan në fillim të shtatorit, kur banorët e zonës filluan të ankoheshin për erën.

Jalisco është zemra e një prej bandave më të dhunshme të drogës në Meksikë dhe kjo është gjetja e dytë më e madhe e trupave të pajetë gjatë këtij viti.

Pjesa më e madhe e trupave u prenë, kështu që autoritetet duhej të bashkonin pjesë të ndryshme për t’i identifikuar ato.

Shumë pjesë të trupit ende mbeten të paidentifikuara.

Një organizatë lokale për kërkimin e njerëzve të zhdukur i ka bërë thirrje qeverisë të dërgojë më shumë specialistë për të ndihmuar në identifikimin.

Ata thonë se departamenti i mjekësisë ligjore është i mbingarkuar dhe nuk ka aftësitë e nevojshme për të përfunduar operacionin, shkruan insajderi, përcjell albinfo.ch

 Të tjera nga Lajme

Operacion global kundër trafikimit të qenieve njerëzore: mbi 1,000 arrestime në 59 shtete

 E-Diaspora

 Jeta në Austri