Gaxherri për Vetëvendosjen: A jeni parti politike apo organizatë terroriste

Ajo ka kërkuar edhe nga institucionet shtetërore që të vënë drejtësi për vdekjen e Astrit Deharit

Deputetja e Lidhjes Demokratike të Kosovës, Besa Gaxherri ka kërkuar nga Lëvizja Vetëvendosje që të jap llogari para drejtësisë se a janë parti politike apo organizatë terroriste.

Ajo ka kërkuar edhe nga institucionet shtetërore që të vënë drejtësi për vdekjen e Astrit Deharit.

“Ata duhet të deklarohen para nesh ose duhet me dhënë llogari në prokurori a janë parti politike, a janë organizatë terroriste sepse në selitë e tyre janë gjetur maska, molotovë, gaz lotsjellës dhe armë të ftohta. Për këtë insistoj çdo ditë jo pse është Vetëvendosje në pyetje, jo pse është një subjekt tjetër, jo i imi, por për kushdo qoftë ne jemi përgjegjës me vu drejtësi në këtë vend, stabilitet, siguri dhe nuk mundemi me u bë hipokritë aty me dal me gjykuar njëri-tjetrin kur selitë tona i kemi të mbushura me armatim edhe kësaj duhet me i vu pikë”, deklaroi Gaxherri, përcjell albinfo.ch.

Sipas saj LDK nuk është pjesë e lojërave të partive politike, prandaj nuk mori pjesë në votimin e mocionit të Lëvizjes Vetëvendosje për vdekjen e Astrit Deharit.