Gashi nuk largohet nga Colorado

Emri i Gashit ndodhet në listën e të paprekshmëve dhe sulmuesi shqiptar pritet që edhe sezonin e ardhshëm të luajë në Colorado Rapids

Sulmuesi shqiptar, Shkëlzen Gashi ka shkëlqyer me Colorado Rapids, duke u kualifikuar deri në finale të Konferencën së Perëndimit. Ai ishte njëri nga futbollistët kryesor të skuadrës amerikane dhe për këtë arsye, po shihet si i pashitshëm, shkruan albinfo.ch.

Skuadra e Colorados, emrin e Gashit e futur në mesin e lojtarëve që nuk do të largohen nga skuadra. Kështu Gashi, i cili kaloi nga Baseli, është shndërruar në futbollistin kryesor të Colorados dhe skuadra amerikane po e shpërblen.

Kujtojmë që sulmuesi shqiptar është njëri nga futbollistët më të paguar në Amerikë.

Ndërkohë, Shkëlzen Gashi ka shfrytëzuar pushimin e kampionatit amerikan të futbollit, MLS, për t’u kthyer në Evropë dhe aktualisht gjendet në Kosovë, ku po viziton familjarët e tij. Lojtari i Kombëtares shqiptare ka postuar një foto përballë monumentit “NEWBORN” në Prishtinë, duke treguar për këtë vizitë të tij në kryeqytetin e Kosovës.