Fshati në të cilin nuk lejohet përdorimi i makinave

pixabay

Giethoorn është një fshat i njohur në provincën holandeze të Overijseell, pasi tërheq turistët me peizazhet e tij piktoreske, përcjell albinfo.ch.

Makinat janë të ndaluara në këtë fshat dhe kjo ka bërë që shumë turistë shkojnë vetëm për një ditë. Ata lëvizin në këmbë ose me biçikletë. Shumë e quajnë Giethoornin si “Venecia holandeze”, sepse ka rreth 180 ura prej druri.

Më së shumti përdoren varkat, të cilat konsiderohen si mjeti i vetëm i transportit publik. Ato janë zgjidhja më praktike, duke pasur parasysh se shumica e shtëpive, muzeve dhe ambienteve të hotelierisë ndodhen pranë ujit.