Frikë për udhëtarët e linjës ajrore Cyrih-Prishtinë

Foto arkiv

Udhëtarët e linjës ajrore Cyrih-Prishtinë kanë përjetuar çaste frike në qiellin e kryeqytetit të Kosovës dy ditë më parë, teksa iu është dashur të vërtiten jo pak, por gati një orë në pamundësi për t’u ulur për shkak të mjegullës, raporton ‘Albeu’.

Njëri prej tyre, shqiptar me banim në Zvicër denoncon rastin në redaksinë e ‘Albeu.com’, duke sugjeruar edhe një zgjidhje, përcjell albinfo.ch.

“Përse nuk bëjnë marrëveshje me Tiranën apo Shkupin në raste të tilla? Na është dashur të vërtitemi një orë mbi Prishtinë për t’u ulur. Kështu ndodh gjithnjë gjatë dimrit”, shprehet A.A. për ‘Albeu.com’, duke sjellë edhe një “screen shot” nga radari të itinerarit të ndjekur nga avioni në fjalë ku duken qartë xhirot e bëra mbi qiellin e Prishtinës.

Nuk bëhet e ditur se me cilin kompani ajrore kanë udhëtuar, derisa deri më tani nuk ka reagim as nga ana e zyrtarëve të Aeroportit Ndërkombëtar të Prishtinës.