Frangu, 3 vjet me kurs minimal kundrejt euros

Jo më pak se 1.20 franga për 1 euro, këtë vendim e kishte marrë Banka Nacionale e Zvicrës (SNB) tre vjet më parë

Banka Nacionale e Zvicrës varet nga Banka Qendrore Evropiane (BQE). Për sa kohë që evropianët nuk i rrisin normat, SNB nuk do të heqë kufizimet karshi euros?

Sipas statistikave të fundit, SNB ka pak më shumë se 176 miliardë € rezerva. Rrezik mbetet se Banka Nacionale po pëson humbje enorme në rezervat e veta të euros.

Banka Qendrore Evropiane kohët e fundit ka ulur normën bazë në 0.05 për qind, çmimi minimal përsëri është afro 1.20 franga kundrejt euros. Ky është niveli më i ulët që nga nëntori 2012.  Aktualisht frangu zviceran në këmbim me euron është 1,20633.

Megjithatë, nuk është si tre vjet më parë, kur spekulantët po nxisnin frikë te investitorët.

Sipas sondazhit mujor nga Bloomberg, 39 për qind të ekonomistëve paralajmërojnë heqjen e kursit minimal të frangut me euron në vitin 2016, ndërsa 44 për qind nuk presin që kjo të ndodhë para 2017-ës.