Kultura

Filmat e Xhanfize Kekos prezantohen në Kopenhagë

E enjte, 8 Nëntor 2018 - 19:00 albinfo.ch

Një dekadë pas ndarjes nga jeta të regjisores Xhanfize Keko, filmat e saj vazhdojnë të shihen në vende të ndryshme të botës. Filmi “Tomka dhe shokët e tij” dhe “Mimoza Llastica” janë prezantuar mbrëmë në Kopenhagë, ndërsa më 9 nëntor do të shfaqet edhe filmi “Kur xhirohej një film”.

Filmat janë shfaqur pas një iniciative që ka marrë producenti Genc Permeti në bashkëpunim me Institutin Danez të Filmit dhe Qendrën Kombëtare të Kinematografisë, përcjell albinfo.ch.

Producenti Genc Përmeti, i cili është edhe distributori i këtyre filmave, mendon se pas viteve ‘90 nga shteti shqiptar vëmendja ndaj kësaj regjisoreje nuk ka qenë sa duhet.