FIFA, me procedurë të shkurtër u lejon 9 futbollistëve të luajnë për Kosovën

Në këtë nëntëshe me fat hyjnë: Fanol Përdedaj, Enis Alushi, Albert Bunjaku, Hekuran Kryeziu, Bersant Celina, Sinan Bytyçi, Vedat Muriç, Erton Fejzullahu dhe Elbasan Rashani

Vetëm pak orë para fishkëllimës së pipit që shënon fillimin e lojës së parë zyrtare të Kosovës (sonte, kundër Finlandës), FIFA u ka lejuar 9 futbollistëve kosovarë me shtetësi tjera  të luajnë për kombëtaren e re.

Këtë lajm e kanë publikuar sot shumë portale informative në gjuhën gjermane dhe gjuhët tjera perëndimore

Kështu, siç shkruan goal.com, ë këtë nëntëshe me fat hyjnë: Fanol Përdedaj, Enis Alushi, Albert Bunjaku, Hekuran Kryeziu, Bersant Celina, Sinan Bytyçi, Vedat Muriç, Erton Fejzullahu dhe Elbasan Rashani.

Në kushte normale, FIFA ndalon kalimin nga një kombëtare në një tjetër por ajo e ka bërë këtë përjashtim për Kosovën pasi që bëhet fjalë për një shtet të ri, transmeton albinfo.ch. Vetëm para disa muajsh Federata e Futbollit e Kosovës është pranuar në organizatat ndërkombëtare të futbollit.