Fidan Aliti largohet nga “FC Luzerni”, shkon në Moldavi

Futbollisti Fidan Aliti, është larguar nga klubi zviceran “FC Luzern” për të kaluar në klubin “Sheriff Tiraspol” në Moldavi. Lajmin e ka kumtuar edhe vet klubi, shkruan “albinfo.ch”.

Mbrojtësi i majtë 21 vjeçari, me origjinë nga fshati Miratoc i Luginës së Preshevës kishte nisur që nga mosha 5 vjeçare të luaj futboll në ekipin e Baselit. Një kohë ishte pjesë e e klubit jo shumë të njohur  “BSC Old Boys”, ndërsa që nga marsi i vitit 2014, ai nënshkroi kontratë profesioniste deri në vitin 2016 më klubin e “Luzern”-it.

Gjatë ndeshjeve që ka zhvilluar më klubine elitës zvicerane, Aliti ka qenë shtyllë kyçe për mbrojtjen e Luzern-it, ku pos evitimit të rrezikut, ai është dalluar edhe për krosimet e tij si dhe më furnizimin e topave nga mbrojtja për në sulm, njofton “albinfo.ch”.

Në korrik të këtij viti, në ndeshjen përgatitore që Luzerni e humbi nga Borussia Dortmund me rezultat 1-4, ai pati një lëndim që nuk arriti më të kthehet në formën e mëparshme.

Fidan Aliti është i vetmi futbollist nga Presheva që është pjesë e kombëtares shqiptare, ndonëse jo i ftuar në listën e fundit të De Biazit për ndeshjet kualifikuese për kampionatin evropian.