Federer në pushime për disa muaj

Zvicerani do të rikthehet në fushë në turnetë me bar, sipërfaqen e tij të preferuar, duke synuar fitoren e Grand Slemit të Wimbledon, kurse nuk do të luajë në fushat me dh

Tenisti zviceran, Roger Federer ka vendosur të pushojë për disa muaj, pas eliminimit nga turneu Masters i Majamit.

Federer, që nga e hëna e ardhshme (2 prilli) do të zbresë në vendin e dytë të renditjes botërore, përcjell albinfo.ch.

Zvicerani do të rikthehet në fushë në turnetë me bar, sipërfaqen e tij të preferuar, duke synuar fitoren e Grand Slemit të Wimbledon, kurse nuk do të luajë në fushat me dhe.

“Ndeshjen e fundit nuk e luajta mirë, nuk lëvizja lirshëm në fushë. Do të shoh ndeshjen dhe të kuptoj se çfarë nuk funksionoi edhe pse kam gjithë jetën që përpiqem të kuptoj tenisin tim, pa e gjetur asnjëherë”, u shpreh Federer.

“Kam vendosur që të mos luaj asnjë ndeshje në fushat me dhe. Kam biseduar shumë kohët e fundit me stafin tim dhe ramë të gjithë dakord që për mua është më mirë dhe më e lehtë që të luaj vetëm në dy sipërfaqe, atë me bar dhe në çement, duke evituar fushat me dhe. Morëm këtë vendim, pasi kam dëshirë të vazhdoj të luaj tenis edhe për shumë kohë dhe në këtë prizëm, nuk mund të përballoj dot ritmin e kësaj sipërfaqe. Mezi po pres të nis pushimet dhe më pas të rinis stërvitjen ashtu si duhet, për të gjetur ritmin për pjesën e dytë të sezonit”, deklaroi Roger Federer.