Facebooku u mundëson reklamuesve të bëjnë diskriminime

Keystone

Facebook ka ndalur përkohësisht një sistem që u mundësonte reklamuesve të zgjedhin etninë dhe grupet e caktuara të minoriteteve për të parë reklamat e tyre.

Rrjeti social ka thënë se do të hetojë se si ishte përdorur kjo veçori nga reklamuesit.

Organizata “ProPublica” zbuloi se sistemi mund të abuzohej duke bërë postuar reklama diskriminuese në këtë rrjet social.

Facebook ka thënë se është duke shikuar mundësinë që të ndryshojë sistemin ashtu që të mos mund të përdoret “në mënyrë të papërshtatshme”.

Vitin e shkuar “ProPublica” zbuloi se ishte e mundshme diskriminimi etnik përmes reklamave, shkruan BBC.  Tani kjo organizatë ka treguar se reklamat ishin të caktuara për:

Afrikano-amerikanët

Çifutë

Latinë

Të interesuar në islam

Etni tjera apo grupe minoriteti

Të gjitha reklamat ishin aprovuar nga rrjeti më i madh social, transmeton Albinfo.ch.

Kompania tani ka njoftuar se ka ndalur përkohësisht këtë opsion për të parë gjithçka në detaje dhe për të shmangur çdo shkelje që mund të jetë bërë.