Facebooku përjashton reperin amerikan për shkak të postimeve

Facebooku ka thënë se disa nga postimet e tij kanë thyer rregullat për shkak të fjalimeve me urrejtje

Reperi amerikan Lil B, i njohur për fjalimet e tij në rrjete sociale, është përjashtuar nga Facebooku për 30 ditë për fjalimet e tij të ashpra.

Muzikanti ka shprehur nervozizmin për përjashtim dhe fansat e kanë kritikuar përjashtimin e tij në rrjetet tjera sociale.

Facebooku, në anën tjetër, ka thënë se disa nga postimet e tij kanë thyer rregullat për shkak të fjalimeve me urrejtje.

Postimet, sipas raportimeve, kishin të bënin me njerëzit e bardhë dhe përdorimin e armëve.

“Njerëzit e bardhë janë të vetmit që i duan armët e tyre. Ju mund t’u thoni atyre se janë njerëz të dhunshëm! Unë nuk jetoj në frikë, nuk kam nevojë për armë. Njerëzit e bardhë janë aq të frikësuar sepse kanë armë. Armët janë problem i njerëzve të bardhë. Largoni armët dhe të gjithë do të jemi të sigurt, por jo! Ata janë të dhunshëm”, ka shkruar në postimet e fundit ai.

Facebooku nuk ka komentuar këtë vendim, por BBC mëson se reperi ka thyer rregullat me postimet e tij disa herë.