Facebook listohet si ‘organizatë terroriste’ nga Rusia

Foto Ilustrim

Rusia ka vendosur të shtojë në listën e organizatave terroriste gjigantin teknologjik “Meta” dhe platformat e saj Facebook dhe Instagram.

Në fund të muajit mars, Rusia i ndërpreu shërbimet e këtyre dy rrjeteve sociale në vend, duke e akuzuar “Meta” se ka lejuar publikimin e materialeve rusofobë gjatë të ashtuquajturit operacion special në Ukrainë, i cili startoi më 24 shkurt. transmeton cnn, përcjell Albinfo.ch.

Facebook dhe Instagram janë të paaksesueshëm në Rusi, mirëpo shumë rusë arrijnë të futen në to duke përdorur aplikacione shtesë.

Tashmë, me vendimin e fundit të autoriteteve, “Meta” në Rusi është vendosur në të njëjtën listë me talebanët dhe grupet opozitare ruse.