Euro bie sërish nën dollarin

Shkak për këtë rënie janë bërë pasiguritë që rrethojnë ekonominë evropiane pas mbylljes totale që Rusia i bëri gazsjellësit “Rrjedha e Veriut 1”.

Euro ka rënë kundrejt dollarit, i nxitur nga lufta në Ukrainë. Monedha e përbashkët evropiane vlente më pak se 0.99 dollarë mëngjesin e së hënës, vlera më e ulët në 20 vjet.

Kompania ruse e gazit, “Gazprom”, deklaroi se i duhej të bënte disa operacione mirëmbajtjeje dhe të riparonte një turbinë të gazsjellësit, jetik për furnizimet e Evropës.

Ky “shtanzh energjetik” i Moskës vjen përballë një inflacioni historik të çmimeve të karburanteve, që kërcënon të fundosë ekonominë evropiane.

Ndërkohë, dollari amerikan po shfaqet i fortë, i udhëhequr nga statusi i tij prej “strehe të sigurt” dhe nga pritshmëritë e politikës monetare, të forcuar nga Federal Reserve.

Me pak hapësirë për të manovruar për shkak të reve të recesionit në horizont, Banka Qendrore Evropiane do të mblidhet të enjten për të rritur normat e interesit në përpjekje për të ulur inflacionin./euronews

 

---