Etrit Berisha mendon largimin nga Torino

Etrit Berisha është duke menduar largimin nga Torino gjatë afatit kalimtar të janarit.

Portieri shqiptar nuk ka arritur të luajë asnjë minutë këtë sezon me Torinon dhe ndjehet i zhgënjyer nga sjellja e stafit teknik dhe klubit ‘Granata’.

33-vjeçari është duke studiuar mundësitë që ofron tregu i transferimeve dhe së fundmi një alternativë është paraqitur.

Skuadra italiane Spezia është në gjurmët e Berishës, duke qenë se aktualisht kësaj skuadre i janë lënduar dy portierët e parë, polaku Dragowski dhe holandezi Zoet.

Tuttosport ka raportuar se drejtuesit e dy klubeve, Spezias dhe Torinos, kanë pasur tanimë bisedat e para për shqiptarin dhe ato pritet të vazhdojnë edhe më tej.

Berisha është pro kalimit te Spezia, pasi aty do të ishte titullar dhe kjo është ajo që i intereson portierit prishtinas.