Sport

Egzon Maliqaj rikthehet në ring në muajin dhjetor

E hënë, 26 Nëntor 2018 - 13:00 Kasam Selimi

Egzon Maliqaj ndeshjen e katërt në boksin profesional do ta zhvillojë në muajin e ardhshëm, njofton Albinfo.ch.

Sipas boksierit 27 vjeçar nga Suhareka që jeton në Zvicër, Egzon Maliqaj stërvitjet për këtë sfidë veçse janë duke u zhvilluar dhe se kundërshtari do të bëhet i ditur në ditët në vazhdim.

“Jam duke u stërvitur maksimalisht me trajnerin tim personal Harun Gülen dhe trajnerin e boksit Pascal Stalder për luftën time të katërt profesionale më 26 dhjetor në Bernë”, thotë boksieri Maliqaj.

Në boksin profesional Egzoni debutoi më 7 prill të këtij viti. Në tre luftërat e deritanishme, ka dy fitore dhe një ndeshje ka përfunduar pa fitues.