Edhe Ermal Meta në MTV EMA 2017

Në kategorinë "italiane" ai do të garojë me emra të njohur si Fabri Fibra, Francesco Gabbani, Thegiornalisti dhe Tiziano Ferro

Rita Ora dhe Dua Lipa nuk janë të vetmet shqiptare në ceremoninë e sivjetme të MTV EMA 2017.

Përpos nominimeve të tyre dhe udhëheqjes së ceremonisë që do të bëhet nga Rita Ora, i nominuar në një kategori do të jetë edhe kantautori shqiptar Ermal Meta.

Meta është nominuar për kategorinë “Vepra më e mirë italiane”.

Artisti për këtë çmim do të garojë me emra të njohur si Fabri Fibra, Francesco Gabbani, Thegiornalisti dhe Tiziano Ferro.

Meta në të kaluarën ishte pjesëmarrës i suksesshëm edhe i festivalit të njohur italian “Sanremo”.

Ceremonia e sivjetme e MTV EMA 2017 do të mbahet më 12 nëntor.