E mitura nga Prishtina godet me veturë në trotuar një person

Policia e Kosovës ka njoftuar se dje në Prishtinë një femër ka pësuar lëndime trupore pasi që është goditur me veturë nga e dyshuara femër e mitur.

“Viktima femër kosovare ka pësuar lëndime trupore në këmbë pasi që dyshohet se është goditur me veturë në trotuare nga e dyshuara femër kosovare (e mitur). Viktima ka pranuar tretman mjekësor”, njofton policia.

Policia ka bërë të ditur se e dyshuara është intervistuar dhe në konsultim me prokurorin për të mitur është liruar në procedurë të rregullt.